Bakit Daw Sa Umaga Kinakain Ang Hapunan

Marami pa ring mga kapatid ang ginugulat ng kapilusupuhan ni Eli Soriano  at ng Ang Dating Daan (ADD). Kaya ulitin natin ang pagpapaliwanag ng ADD ukol sa Lord’s Supper at paano ipakita ang kamalian nila.

Sabi ng ADD na sapagkat “hapunan” ang tawag sa ordinansa sa pagalaala sa ating Panginoong Jesus, dapat daw hapon gagawin at hindi puwedeng umaga. Kung gagawin daw sa umaga, “merienda” na raw yaon.

Kung ganyan ang kalakaran ang pagiisip ng mga kaanib sa ADD ganyan din nila isipin ang mga sumusunod:

  1. Mayroong juice product na “Eight O’Clock Drink” ibig bang sabihin na sa oras lang ng alas otso puedeng inumin ito? O katawagan lamang at puwede ring inumin kahit alas dose? Pangalan lang ito hindi nagdidikta ng oras.
  2. Mayroong tawag na “Sunday Dress” ibig bang sabihin na ang dress na yan ay isusuot lamang sa araw ng Sunday? O katawagan lamang at puwede ring isuot kahit Sabado?
  3. Mayroong halaman at bulaklak na ang pangalan ay “Morning Glory” ibig bang sabihin na itong halaman at bulaklak ay “Morning Glory” lang sa umaga at hindi na sa hapon? Bakit ang “Morning Glory” ay tinatawag rin ng mga ADD members na “Morning Glory” ang bulaklak kahit hapon? To follow their line of reasoning, ang halaman na yan ay dapat “Afternoon Glory” sa bandang hapon.
  4. Mayroong halaman at bulaklak na “Dama de Noche.” Noche ay ibig sabihin “gabi” sa Filipino. Following the line of reasoning ng ADD, ang halaman na yan ay dapat tawagin “Dama de Tarde” sa bandang hapon. Pero sa kanila sa ADD Dama de Noche pa rin ang tawag sa halaman kahit hapon na. Ganyan ang tawag sapagkat ito ay pangalan lamang at hindi nagdidikta kung anong oras.
  5. Naroon din ang “Night Gown.” This attire if still worn by a woman at eight o’clock in the morning,  hindi na  a “night gown” ang tawag? Magiging “Morning gown” na ba ang tawag sa bandang umaga? Hindi. Katawagan lang yan. O pangalan ngunit hindi nagdidikta ng estriktong oras na gagamitin.
  6. Sa ating mga Pinoy mayroon tayong kasabihan na “Mabilis pa sa alas kuwatro.”  Sa mismong oras ng alas kuwatro lang ba mabilis ang tao? Ang kabilisan ng isang tao ay hindi na ba “mabilis pa sa alas kuwatro” kung listo siya sa oras ng alas otso?

Mayroon pang ibang katawagan or pangalan na hindi dapat literal ang aplikasyon. Ang katagang ginamit sa pangalan ay hindi nagdidikta sa kasarian. Kagaya ang isdang “dalagang bukid.”  A male fish of that species is still “dalagang bukid” kahit lalaki. Katawagan lamang ito. Naroon din ang “hotdog” sa grocery. Hindi literal na “hot” (mainit), hindi ring literal na “dog” (aso) ang hinahanap natin when we go to the grocery store. Katawagan lamang ito. Kung gusto ni Mr. Soriano ang literal “hotdog” punta rito sa Baguio City upang makatikim ng tunay na “hot dog.”

Mayroon akong kasamang tagapagturo na ang pangalan ay Emilio Panday. Ano ba ang panday? Eh, di panday: gumagawa ng itak, palakol, araro at iba pa. Pero nagtuturo naman. Debatehen ko ba ang aking kasama at sasabihin ko, “Brod, dapat ang pangalan mo ay Emilio Manunuro sapagkat ikaw ay nagtuturo.” Pangalan lang. Hindi limitasyon o nagsasabi kung ano ang trabaho.

Bakit kasi tinawag na “Banal na Hapunan” or “Lord’s Supper” ang breaking of bread and drinking of the wine? Sapagkat banal ang ating Panginoong Jesus na nagumpisa nitong ordinansa. At banal na gawain ito sapagkat gawaing relihion ang ating pinaguusapan. Bakit Hapunan? Sapagkat bandang hapon noong isinagawa ito. Katatapos lang ang Passover Meal noong Nisan 14 year 33 A.D. noong isinagawa ni Cristo ito at sinabing gagawin uli sa kaharian ng Ama.  (Eusebio Tanicala)

%d bloggers like this: